လက်ထပ်ထားတာ ကြာခဲ့ပြီဆိုတဲ့အကြောင်း ကိုယ်တိုင် ဖွင့်ချလိုက်တဲ့ ပန်ဆယ်လို


ပရိသတ်လျော့မှာစိုးလို့ ယောင်္ကျားမရှိဘူးလို့ ဟန်မဆောင်ခဲ့ဘူး နိုင်ငံရေးအရ ဖမ်းခံထိမှာစိုးလို့ အကျဉ်းရုံးပဲ လက်ထပ်ခဲ့တာ ကြာပြီးလို့ဝန်ခံလိုက်တဲ့ပန်ဆယ်လိုခက်တော့တာပဲဖေ့စ်ဘုတ်မှာ ကိုယ့်ရဲ့ Personal အချက်အလက်တွေအကြောင်း ပြောစရာလိုလိမ့်မယ် ကိုယ်တစ်ခါမှ မထင်ခဲ့ဘူး။ အရမ်းစိတ်ဝင်တစား ဖွနေကြတော့လည်း ပြောရဦးပေမပေါ့။

ကိုယ်နဲ့ ကိုယ့်ချစ်သူက ၂၀၀၉ ဖေဖော်ဝါရီ၁၄ရက်နေ့ကတည်းက ရည်းစားစဖြစ်ခဲ့ကြတယ်။ အခု Feb 14ဆိုရင် ရည်းစားသက်တမ်း ၉နှစ်တိတိရှိပြီ။ကိုယ့်အသက် ၁၇နှစ်ကတည်းက ချစ်သူတွေ။ အခု ကိုယ့်အသက် ၂၆နှစ်၊ သူက ၃၃နှစ်။ (အမလေးသန်းခေါင်စာရင်းစစ်တာ ကျနေတာပဲ။ ကိုယ်ရည်းစားထားတဲ့ကိစ္စလည်း ပြောပြနေရတယ်)ကိုယ်နဲ့ ကိုယ့်ချစ်သူက ရည်းစားသက်တမ်း ၃နှစ်ကျော်ကတည်းက လက်ထပ်ဖို့ ကြိုးစားခဲ့ကြတာ။ ဟိုဖက်မိဘ ဒီဖက်မိဘကလည်း သိတယ်။ ကြည်ဖြူတယ်။

သူဆို ကိုယ့်အိမ်မှာ စားအိမ်သောက်အိမ်။ အမြဲ အဲ့လိုပဲ နေလာတာ။ ဒါပေမယ့် အိမ်ထောင်ပြုရင် ကိုယ်ပိုင်အိမ်လေးနဲ့ တစ်အိုးတစ်အိမ်နေကြဖို့ ငွေစုရင်း လက်မထပ်ဖြစ်ကြသေးဘူး။ ရည်းစားသက်တမ်းငါးနှစ်ကျော်မှာ သူနဲ့ကိုယ်နဲ့ စိတ်သဘောထား မတိုက်ဆိုင်လို့ ချစ်သူအဖြစ်က ခဏခွဲနေကြတယ်။ ဒါပေမယ့် မိဘတွေတောင် ကိုယ်တို့လမ်းခွဲပြီး သူငယ်ချင်းလိုနေတာ မသိဘူး။ ကိုယ်နဲ့သူကလည်း သူငယ်ချင်းတွေလိုပဲ တရင်းတနှီး နေကြတာကိုး။

တစ်နှစ်ကျော်နှစ်နှစ်လောက် သူငယ်ချင်းတွေလို နေပြီး နောက်ပိုင်း သူကလည်း သူ့အတွက် ကိုယ်မရှိလို့ မဖြစ်၊ ကိုယ်ကလည်း ကိုယ့်အတွက် သူမရှိလို့ မဖြစ်တာကြောင့် ကိုယ်တို့ ပြန်လက်တွဲခဲ့ကြတယ်။ဘဝမှာ အချစ်ကို စသိခဲ့ချိန် ငယ်ငယ်ကတည်းက အခုအရွယ်ထိ သူ ကိုယ့်နားမှာ အမြဲ ရှိခဲ့တာ။အကြောင်းမတိုက်ဆိုင်လို့ လမ်းခွဲခဲ့ချိန်ခဏမှာတောင် ကိုယ်ဟာ သူ့အရိပ်အောက်က ဘယ်မှ ထွက်မသွားခဲ့တဲ့သူ။

ခင်ဗျားတို့ အခု စိတ်ဝင်စားနေတဲ့ ဓါတ်ပုံတွေကိစ္စပေါ့။ မှန်တယ်အဲ့ပုံထဲက လူဟာ သူပဲ။ အဲ့အရင် CCSဖွခဲ့တဲ့ ပေတိပေစုတ် ကောင်လေးနဲ့ ကောင်မလေးပုံထဲကလည်း သူပဲ။ အခုထိ ကိုယ့်နားရှိနေတာလည်း သူပဲ။ အဲ့ဒါ ဘာများထူးဆန်းလို့ပါလဲ။ ကျွန်မက လင်တွေ တစ်ယောက်ပြီးတစ်ယောက် ပြောင်းနေလို့ ဆိုရင်လည်း တစ်မျိုးပေါ့။ အဲ့ဒါ ကျွန်မလင်လေ… အဲ့တစ်ယောက်ပဲ ရှိတာ။ အရင်တုန်းကလည်း ဒါပဲအခုလည်း ဒါပဲ။ သူကလည်း ကျွန်မကို ချစ်တယ် ကျွန်မကလည်း သူ့ကို ချစ်တယ်။ ကျွန်မတို့နှစ်ယောက်ကြားမှာ ဖုံးကွယ်ထားစရာ ရှက်စရာကိစ္စမရှိဘူး။

အပျိုလုပ်တယ် ယောက်ျားမရှိဟန်ဆောင်တယ်ဆိုလို့မေးပါရစေဦး။ ကျွန်မက လင်ရှိတယ်ဆိုတာနဲ့ အားပေးသူ ယုတ်လျော့သွားရအောင် ဇာတ်မင်းသမီးမို့လား။ ကျွန်မက စာရေးသူလေကျွန်မစာတွေဖတ်နေတဲ့လူက ကျွန်မယောက်ျားရှိတာ မရှိတာ ကျွန်မ စာဖတ်သူတွေနဲ့ ဘာမှ မသက်ဆိုင်ဘူး။ ကျွန်မတို့ လက်ထပ်ကြမယ့် အချိန်မှာ ကျွန်မ ဘယ်သူဆိုတာ ဘယ်သူ့ကိုမှ ချမပြရသေးဘူး။ ဒါပေမယ့် သိတဲ့ ဒီမိုအသိုင်းအဝိုင်းကတော့ သိတယ်။ မင်္ဂလာကြီးကြီးကျယ်ကျယ်ဆောင်လိုက်ရင် မဖိတ်လို့မကောင်း၊ ဖိတ်တဲ့အခါ ဘူးအပေါက်တစ်ရာ ပိတ်လို့ရတယ်၊ ပါးစပ်တစ်ပေါက်ပိတ်လို့မရဘူးဆိုတဲ့ စကားအတိုင်း လူသိသွားပြီး (အဲ့ခေတ်က ကျွန်မကို နိုင်ငံရေးကြောင့် ဘယ်လိုဖမ်းချင်လဲ မှတ်မိကြမှာပါ)အန္တရာယ်ရှိမှာ စိုးရတာကြောင့် ချစ်သူကို နားလည်အောင် ပြောပြပြီး ဆွေမျိုးတွေနဲ့ပဲ အကျဉ်းရုံး ဆွမ်းကျွေးလေး လုပ်ခဲ့တယ်။

ကျွန်မရဲ့ ပန်ဆယ်လိုဆိုတဲ့ ဘဝအတွက် ကျွန်မချစ်သူဆီက တောင်းခံခဲ့ရတဲ့ နားလည်မှုတွေ အများကြီး။ကျွန်မတို့ရဲ့ သာမန်လူငယ်ဘဝပျောက်ဆုံးခဲ့ရတယ်။အတူသွားတဲ့ပုံတွေ မတင်ဖြစ်ခဲ့ဘူး။သာမန်ထက် ဘာမှ မရဘဲ သာမန်လူတွေလို မနေခဲ့ရဘူး။မင်္ဂလာဆောင်ခါနီးမှာမှ (ချစ်သမီးကိစ္စ၊ ကြက်ဖကြီးကိစ္စ)တွေနဲ့ ကျွန်မမှာ မိန်းမတန်မဲ့ ဟိုပြေးဒီရှောင်ရင်းချစ်သူကို နားလည်အောင်ဖြောင်းဖျပြီးတင့်တင့်တယ်တယ် လက်ထပ်နိုင်ခဲ့သားနဲ့ အကျဉ်းရုံးလေး ကျေနပ်ခဲ့ရတယ်။

ကျွန်မတောင်းဆိုသမျှ လိုက်လျောပေးခဲ့တဲ့အကျဉ်းရုံးပွဲကို လက်ခံပေးခဲ့တဲ့ ကျွန်မချစ်သူကို ကျွန်မအရမ်းကျေးဇူးတင်တယ်။ ကျွန်မအနေနဲ့ ကျွန်မရဲ့ ချစ်သူကိုမှ မဟုတ်ဘူးကျွန်မရဲ့ အဖေ၊ အမေ၊ ညီမ စတဲ့ မိသားစုဝင်အားလုံးကို ဖေ့စ်ဘုတ်ပေါ် မတင်ခဲ့ပါဘူး။ သူတို့ ကျွန်မအတွက် စိတ်ကျဉ်းကြပ်မှာ ကျွန်မ မလိုလားဘူး။ဒါကြောင့် သူတို့ပုံတွေကို ကျွန်မ မတင်ခဲ့ဘူး။ ဒါလေးပဲ ရှိတယ်။ကျွန်မ Marital Status ကို မေးတိုင်း လင်ရှိတယ်လို့ပဲ ပြန်ပြောခဲ့တာ။

ကျွန်မတို့ မကြာခင်မှာ မင်္ဂလာဧည့်ခံပွဲလေး ကျင်းပဖို့ စီစဉ်ထားပြီးသားပါ။ ကျွန်မတို့ မဖိတ်လိုက်ရတဲ့ မိတ်ဆွေသင်္ဂဟတွေကို ဖိတ်ပြီး ဧည့်ခံပွဲလေး ကျင်းပဖို့ ရှိတယ်။ ဒါကလည်း ကျွန်မရဲ့ ဖမ်းမလား ဆီးမလား စတဲ့ အကြောင်းအမျိုးမျိုးကြောင့် ကြန့်ကြာနေခဲ့တာ။ ကျွန်မတို့က တရားဝင် ချစ်ချစ်ခင်ခင် လက်ထပ်ယူခဲ့တာ။ တရားရုံးမှာ လက်ထပ်တယ်။ေ ဆွမျိုးတွေနဲ့ မင်္ဂလာဆွမ်းကျွေးတယ်။ဧည့်ခံပွဲလေး ကျင်းပမယ်။ ကဲအဲ့ဒါ ဘာမှားနေလို့လဲ။ ဘာပြဿနာရှိလို့လဲ။ မင်္ဂလာဆွမ်းကြွေးတဲ့ပုံလေ အိပ်ရာထဲက 18+ပုံလည်း မဟုတ်ဘူး။ ကျွန်မကရော ဘယ်သူလဲ ချမပြခင်အချိန်က ကိစ္စကိုကျွန်မအိမ်ထောင်ဖက်ကို တိုက်ခိုက်ခံပြီး အစက ပြန်တင်ရမှာလား။ ဒါမှမဟုတ် ရှင်တို့ကို ဒါကျွန်မလင်ပါဆိုပြီး နတ်ပြသလို ပြရမှာလား။

နေရာတကာ ချီးပါသေးပေါက်က အစတော့ကျွန်မ ဖေ့စ်ဘုတ်ပေါ် တင်လေ့မရှိဘူး။ကျွန်မနေရာမှာ ဘယ်သူမဆို ဒီအတိုင်းပဲ ရပ်တည်ကြမှာပဲ။ ရပ်တည်ရမှာပဲ။ ကိုယ်ရဲ့ အောက်တန်းကျတဲ့ စိတ်ဓါတ်နဲ့ နှိုင်းပြီးကျွန်မကို တံဆိပ်တွေ လာမကပ်ကြစမ်းပါနဲ့။ကျွန်မ ဘဝမှာ ဘာမှ မဟုတ်တာ မလုပ်ခဲ့ဘူး။ အချစ်ရေးကိစ္စမှာလည်း ပုံမှန်ထက်ကို ရှင်းရှင်းလင်းလင်း နေထိုင်ခဲ့တယ်။အိမ်ထောင်ရေးမှာလည်း တည်တည်ငြိမ်ငြိမ်သာသာယာယာနဲ့ ရှိနေတယ်။ ကျွန်မမှာ ပန်ဆယ်လိုဆိုတဲ့ Virtual Lifeအတွက်အခုလို ဆုံးရှုံးခဲ့ရတာတွေကလွဲရင် ကျွန်မဘဝမှာအရိုးရှင်းဆုံး ရှင်သန်ခဲ့တယ်။

ကျွန်မရဲ့ Personal ကိစ္စတွေကို အထူးအထွေ ပြောစရာလိုတယ် မထင်ပါဘူး။ဖြေရှင်းလိုက်လို့လည်း ဖွမယ့်သူက ဖွမှာပါပဲ။ဒါပေမယ့် ကျွန်မကို ချစ်ခင်ကြတဲ့ မိတ်ဆွေတွေအတွက် ကျွန်မဘယ်တုန်းကမှ မလိမ်ညာခဲ့ကြောင်း သိစေချင်တာပါ။ငြိမ်းချမ်းသော ညလေး ဖြစ်ပါစေ။

By Nang May Ei (HtooDaily.com)

---------------------

Tai Digital Team မှ စီစဉ်တင်ဆက်သော HtooDaily.com တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် Facebook စာမျက်နှာ ၊ Website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

တစ်ခုခု ပြောခဲ့ပါဦး

comments

log in

reset password

Back to
log in