၁။ ၂၄ နာရီလုံး drip သွင်းခဲ့ရတဲ့ ဘယ်ဘက်လက်ရဲ့ လက်ချောင်းတွေက ခပ်သေးသေး အရာဝတ္တုတွေကို မြဲအောင်မကိုင်နိုင်တော့ပါဘူး။မကြာမကြာ လွတ်ကျတတ်တယ်ဆိုတာ ဗိုက်ခွဲ ကလေးမမွေးဖူးသူတွေ ကိုယ်ချင်းစာနိုင်မှာ မဟုတ်ပါဘူး။

၂။ ကျောရိုးဆစ်ထဲကို အပ်ခပ်ကြီးကြီးနဲ့ ထုံဆေးထိုးထားရလို့ ခါးကိုကိုင်းပြီး အလုပ်ကြာကြာလုပ်ရင် မကြာမကြာခါးနာတတ်တယ်ဆိုတာ ထုံဆေးထိုးမခံဖူးတဲ့ သူတွေ မသိနိုင်ပါဘူး။

၃။ ထုံဆေးဒဏ်အပြင် DZ ပါ အပေးခံရလို့ သတိမေ့တတ်တာကို ပေါ့ဆတတ်သူလို့ မစာမနာမထင်ပါနဲ့။

၎။ အလေးအပင်မရင် ဒါမှမဟုတ် ပြင်းပြင်းထန်ထန် ချောင်းဆိုးရင် ဒါမှမဟုတ် အန်ရင် ဒါမှမဟုတ် သိပ်စိတ်ဆိုးလို့ အသံကျယ်ကျယ် အော်ရင် ချုပ်ရိုးနေရာက မခံမရပ်နိုင်အောင် နာလာတယ်ဆိုတာ ကိုယ်ချင်းစာပေးကြပါ။

ဒါလောက်ခံရမယ်ဆိုတာ မသိလို့လား မေးရင် သိတာပေါ့ အားလုံးသိပြီးသား။ ဒါဆို သိသိကြီးနဲ့ ဘာလို့ ခွဲမွေးသလဲဆိုရင် မွေးလာမယ့်ရင်သွေးလေးကို မတော်တဆ ဆိုတဲ့ ထိခိုက်မှုလေး တခုတလေတောင်မရှိစေချင်လို့။ မညှစ်နိုင်ရင် ငါ့ကလေးလေးကို ညှပ်နဲ့ ဆွဲထုတ်ခံရနိုင်တယ်။ ဦးခေါင်းနုနုလေးကို ညှပ်ကြီးနဲ့ ဆွဲထုတ်ရင် ဦးဏှောက်များထိသွားလေမလား ရှာရှာဖွေဖွေ အတွေးလွန်ပြီးစိုးရိမ်လို့။

နောက် due date လွန်လို့မှ မမွေးမိရင် ကလေးအသက် အန္တရာယ်ဖြစ်မှာစိုးလို့။ ရေမွှာပေါက်နေတုန်း မမွေးနိုင်ပြန်ရင်လည်း ကလေးရေမွန်းမှာလည်း စိုးရိမ်လို့။ အမျိုးမျိုးတေွးပြီးစိတ်မချ နိုင်လို့ ခွဲမွေးတဲ့ လမ်းကို မိခင်အတွက် အန္တရာယ်ရှိမှန်းသိသိနဲ့ ရွေးလိုက်တာပါ။ သားနဲ့သမီးရှေ့ရေးဖြည့်ဆည်းပေးဖို့ဆန္ဒတွေယောက်ယက်ခတ်နေတာကလွဲလို့ကို့ဖို့မရှိသလောက်ပေးဆပ်နိုင်ခဲ့လို့ပျော်ပါတယ်။

တစ်ခုခု ပြောခဲ့ပါဦး

comments